واحد ضارب رئيس الجمهورية
و يا ريت بلاش خبث و تفهموا العنوان غلط
ده مش خيال و لا احلام
انما دى حقيقة انا بقيت رئيس
اول ما قالولى الخبر ده قلتهلهم ده شئ متوقع امكانياتى معروفة للجميع و قلت لشعبى الضايع شكرا يا اخوانا على التصقيف الحار ده انا كنت عارف انى حاكسب انا منكم و اليكم حاوعدكم بحمامات فى الشوارع و عيش حاف و تعليم نص نص و غطيان بلاعات تسرقوها و تبيعوها و نجبلكوا غيرها و صحة ضايعة و حشيش بالعبيييييييط
يعنى حتنبسطوا و انا حانبسط معاكم
تانى يوم الصبح ماما عملتلى سندوتشات الفول اللى انا بحبها و استنيت عربية الرئاسة لما جت و طلعت عالقصر
و انا طالع عالقصر لقيت الطريق فاضى , و كان فى واحد قصير قاعد جنبى شكله راجل مهم سألته هما الناس فين ؟
قاللى فى اجازة فخامتك فعرفت ان الناس مبسوطة فحمدت ربنا ^__^ انا عارف نفسى مدلع الشعب دايما
وصلت القصر حوالى الساعة 7 الصبح رحت دخلت الحمام بسم الله ماشاء الله حمام ليسيكوا يفتح النفس , قضيت واجبى فى الحمام و طلعت (بس فى صوت انذار حرايق طلع فى القصر مش عارف ليه) ,
و بعد كده زى أى رئيس فى العالم دخلت المطبخ و حطيت سندوتشات ماما على جنب ( معلش يا ست الحبايب مش وقت الفول ) اصل انا طول عمرى بارمى السندوتشات بس متقولوش لماما احسن متعمليش سندوتشات بعد كده
فتحت التلاجة لقيت دوا كحة و دوا اسهال و طبق فول عرفت ساعتها انى فقر و نحس و عرفت ساعتها كمان انى متراقب و سألت نفسى ازاى عرفوا انى عندى اسهال؟
بعد كده رحت اقعد فى المكتب الرئاسى بتاعى و لقيت التليفون بيرن
ترررن تررررن تررررن و لقيت صوت بيقوللى : كونجراتيليشن مستر بريزدنت
رديت قلت الووو
لقيتوا بيقوللى هالو كان اى توك ويز مستر ضارب
ففهمت انه بيقصدنى
رحت قلتله ياس ياس ماى نيم از ضارب و انت يا عم الحاج راح قالللى مى نيم از اوباما
و لقيتوا بيقوللى: بالصلاتو على النبى احنا عايزين نشتغل مع بعض شغل زى الفل
, قلتله وماله مستر بريزدنت نشتغل , احنا بريزندات زى بعض و فاخمين بعض كويس
قاللى بص مستر ضارب احنا عايزين ديموكراسى فى المنطقة و مش عايزين صياعة
, قلتله الديموكراسى موجودة يا بيه و الصياعة مع الصيع سيبك انت
اوباما: نو نووى , اف يو فكرت فى النووى حطلع نووى اللى جابوك
الضارب : و مال اللى جابونى بيك بلاش قلة ادب عامة انا معيش مونى يعنى فلوس عشان افكر فى النووى انا ابقى راجل لو وفرت العيش الحاف زى ما وعت لشعبى
اوباما: , يو لازم تحترم و تريسبكت جيرانك
الضارب: دول اخواتى يا بيه لازم احترمهم
اوباما: ضارب بليز ركز معايا , ان اقصد ازرائيل
الضارب: يا بيه ازرائيل مين , قصدك اسرائيل مالها يا ننوس عين مامتك؟
اوباما : بليز متجيبش سيرة المازر بتاعى
الضارب فى سره : ما انت جبت سيرة اللى جابونى كلهم من شوية (جتك الارف) و بعد كده علينت صوتى : ياس ياس شور المازر بتاعك تقعد على راسى من فوووووووووووووق , انت عيزنى اعمل ايه فيها قصدى فى ازرائيل ؟؟
اوباما: تكافح الارهاب ضد هؤلاء المساكين و توقف تهريب اسلحة الدمار الشامل لخماس و تكفل كل المعابر اللى بيهربوا منها علب السردين عشان بيعملوا منها اسلخة دمار و عايزك كمان تكبض على الناس الوخشة اللى ضد الديموكراسى و بتشتم اميريكا
و عايزك كمان مستر ضارب توطد علاقات الصداقة و الاخوة مع ازرائيل و تبعتلهم جاز عشان يعرفوا يخلصوا المنطكة من الارهاب !
الضارب فى استعباط : يظهر ان فى وش و السكة بتقطع تك تك تك تك الو واشنطن يا ابنى
محل الكلب السوخن اللى جنب البيت الأبيض ناديلى البريزيدنت بتاعكوا او ادينى البيت الابيض ايوة انا مستر ضارب
اوباما: بليز بليز خليك معايا يا ضارب انت بتروح فين ,
الضارب : انا هير يا عم كمل
اوباما: بليز يو شود تحترم البلاك اللى زيي ان يور كونترى و الا و ديموكراسى امك اطلع عينك فى اوروبا و الأطلنطى
قولتلوا يا مستر بريزدنت احنا 99% بلاك و سود و سمر و بعديمن مالنا ومال اوروبا ؟
اوباما: سورى ضارب انا كنت باكلم مستر ساركوزى
اوباما: و متخليش فى اضهاد و لازم يكون فى اخترام خقوق انسان ان يور بلد و خرية صخافة و كلام من ده احسن اخرب بيتكم و امنع الكمح و المعونة
الضارب : احنا مبنتهددش
اوباما : ان اكصد فريندز مستر ضارب و متنساش وحياة أبوك الديموكراسى تقل عليها و زود على خقوق الانسان و الكلام ده
الضارب : و بعدين عايز ايه
اوباما : نو ثينج مور اوكى يا مستر ضارب سى يو لاتر
الضارب : سى يو فى الارافة
و يا ريت بلاش خبث و تفهموا العنوان غلط
ده مش خيال و لا احلام
انما دى حقيقة انا بقيت رئيس
اول ما قالولى الخبر ده قلتهلهم ده شئ متوقع امكانياتى معروفة للجميع و قلت لشعبى الضايع شكرا يا اخوانا على التصقيف الحار ده انا كنت عارف انى حاكسب انا منكم و اليكم حاوعدكم بحمامات فى الشوارع و عيش حاف و تعليم نص نص و غطيان بلاعات تسرقوها و تبيعوها و نجبلكوا غيرها و صحة ضايعة و حشيش بالعبيييييييط
يعنى حتنبسطوا و انا حانبسط معاكم
تانى يوم الصبح ماما عملتلى سندوتشات الفول اللى انا بحبها و استنيت عربية الرئاسة لما جت و طلعت عالقصر
و انا طالع عالقصر لقيت الطريق فاضى , و كان فى واحد قصير قاعد جنبى شكله راجل مهم سألته هما الناس فين ؟
قاللى فى اجازة فخامتك فعرفت ان الناس مبسوطة فحمدت ربنا ^__^ انا عارف نفسى مدلع الشعب دايما
وصلت القصر حوالى الساعة 7 الصبح رحت دخلت الحمام بسم الله ماشاء الله حمام ليسيكوا يفتح النفس , قضيت واجبى فى الحمام و طلعت (بس فى صوت انذار حرايق طلع فى القصر مش عارف ليه) ,
و بعد كده زى أى رئيس فى العالم دخلت المطبخ و حطيت سندوتشات ماما على جنب ( معلش يا ست الحبايب مش وقت الفول ) اصل انا طول عمرى بارمى السندوتشات بس متقولوش لماما احسن متعمليش سندوتشات بعد كده
فتحت التلاجة لقيت دوا كحة و دوا اسهال و طبق فول عرفت ساعتها انى فقر و نحس و عرفت ساعتها كمان انى متراقب و سألت نفسى ازاى عرفوا انى عندى اسهال؟
بعد كده رحت اقعد فى المكتب الرئاسى بتاعى و لقيت التليفون بيرن
ترررن تررررن تررررن و لقيت صوت بيقوللى : كونجراتيليشن مستر بريزدنت
رديت قلت الووو
لقيتوا بيقوللى هالو كان اى توك ويز مستر ضارب
ففهمت انه بيقصدنى
رحت قلتله ياس ياس ماى نيم از ضارب و انت يا عم الحاج راح قالللى مى نيم از اوباما
و لقيتوا بيقوللى: بالصلاتو على النبى احنا عايزين نشتغل مع بعض شغل زى الفل
, قلتله وماله مستر بريزدنت نشتغل , احنا بريزندات زى بعض و فاخمين بعض كويس
قاللى بص مستر ضارب احنا عايزين ديموكراسى فى المنطقة و مش عايزين صياعة
, قلتله الديموكراسى موجودة يا بيه و الصياعة مع الصيع سيبك انت
اوباما: نو نووى , اف يو فكرت فى النووى حطلع نووى اللى جابوك
الضارب : و مال اللى جابونى بيك بلاش قلة ادب عامة انا معيش مونى يعنى فلوس عشان افكر فى النووى انا ابقى راجل لو وفرت العيش الحاف زى ما وعت لشعبى
اوباما: , يو لازم تحترم و تريسبكت جيرانك
الضارب: دول اخواتى يا بيه لازم احترمهم
اوباما: ضارب بليز ركز معايا , ان اقصد ازرائيل
الضارب: يا بيه ازرائيل مين , قصدك اسرائيل مالها يا ننوس عين مامتك؟
اوباما : بليز متجيبش سيرة المازر بتاعى
الضارب فى سره : ما انت جبت سيرة اللى جابونى كلهم من شوية (جتك الارف) و بعد كده علينت صوتى : ياس ياس شور المازر بتاعك تقعد على راسى من فوووووووووووووق , انت عيزنى اعمل ايه فيها قصدى فى ازرائيل ؟؟
اوباما: تكافح الارهاب ضد هؤلاء المساكين و توقف تهريب اسلحة الدمار الشامل لخماس و تكفل كل المعابر اللى بيهربوا منها علب السردين عشان بيعملوا منها اسلخة دمار و عايزك كمان تكبض على الناس الوخشة اللى ضد الديموكراسى و بتشتم اميريكا
و عايزك كمان مستر ضارب توطد علاقات الصداقة و الاخوة مع ازرائيل و تبعتلهم جاز عشان يعرفوا يخلصوا المنطكة من الارهاب !
الضارب فى استعباط : يظهر ان فى وش و السكة بتقطع تك تك تك تك الو واشنطن يا ابنى
محل الكلب السوخن اللى جنب البيت الأبيض ناديلى البريزيدنت بتاعكوا او ادينى البيت الابيض ايوة انا مستر ضارب
اوباما: بليز بليز خليك معايا يا ضارب انت بتروح فين ,
الضارب : انا هير يا عم كمل
اوباما: بليز يو شود تحترم البلاك اللى زيي ان يور كونترى و الا و ديموكراسى امك اطلع عينك فى اوروبا و الأطلنطى
قولتلوا يا مستر بريزدنت احنا 99% بلاك و سود و سمر و بعديمن مالنا ومال اوروبا ؟
اوباما: سورى ضارب انا كنت باكلم مستر ساركوزى
اوباما: و متخليش فى اضهاد و لازم يكون فى اخترام خقوق انسان ان يور بلد و خرية صخافة و كلام من ده احسن اخرب بيتكم و امنع الكمح و المعونة
الضارب : احنا مبنتهددش
اوباما : ان اكصد فريندز مستر ضارب و متنساش وحياة أبوك الديموكراسى تقل عليها و زود على خقوق الانسان و الكلام ده
الضارب : و بعدين عايز ايه
اوباما : نو ثينج مور اوكى يا مستر ضارب سى يو لاتر
الضارب : سى يو فى الارافة
هناك تعليقان (2):
على فكرة المدونة عاجبانى جدا جدا جدا
وانا متابع أول بأول ... عجبتنى المقدمة وعجبتنى فكرة المصرى بأعضائه وكمان حوار الاخ أوباما
بس قولى صحيح انت بتضرب ايه علشان طالبه معاياوبعت اجيب فول من العربية اللى قدامنا بس شطبت بدرى النهارده
بالمناسبة انا اسمى محمد القبانى
الله يخليك يا أستاذ محمد
أهلا وسهلا بيك فى عالم الضاربين
أنا بأضرب طبق فول بالليل مع كوباية مية نيل على الريق و دى النتيجة ^__^
إرسال تعليق