الاقى معاك صوباع كوسة؟

يا جماعة
انا فى عرض صوباع
صوباع واحد بس
ايه خلاص الكوسة خلصت فى البلد؟ معقولة مصر مفيهاش كوسة ولا فى حد محتكرها هى كمان ؟
و لا الكوسة حرااااااااااااااااااام على الغلابة اللى زينا
يصيتله و قولتله يا حاج معاك صوباع كوسة قالى يالا ياض يا قليل الأدب
يا حاجة معاك صوباع كوسة قالتلى بعد ما مصمصت بشفايفها هو انت من الشباب اياهم بتوع اليومين دول ربنا يهديك
يا كابتنن صوباع كوسة الاقى معاك؟ قالى ايه ياض يا تيت تيت تيت تيت هو انت توت توت توت
يا انسة معاكى قالتلى ايه يا تييييييييييييييييييييت يا ابن التووووووووووووووت انت بتعاكسنى ؟
قولتلها هو انت بتتلككى !
يا جدعااااااااااااااااااااااااان عايز كوسة نفسى فى صوباع
تخيلوا معايا مثلا مثلا انى رايح اطلع رخصة و بصيت لسياده حضرة الباشا البيه الطويل العمر يطول عمره هاى هئ الظابط و طلعتله صوباع الكوسة بتاعى حيعمل ايه؟
حيقوللى اهلاااااااااااااااااااااااااااااان انت فينك و ازى سيادة الصوباع ان شاء الله يكون بخير
النبى توصيه مينسانيش فى الحركة الجاية اتفضل اقعد و ينادى على الشاويش لمون للبيه 5 دقايق و الرخصة تكون معاك
بس يا فنضم انا مبعرفش اسوق. حيقوللى خليها علينا المرة دى و مين بيعرف!
طب تخيلوا مثلا مثلا مثلين تلاتة انى فيه معجزة معجزة بجد يعنى حصلت و طلعت من الأوائل فى الكلية و رحت اقدم فى الجامعة او من غير ما اطلع من الأوائل ما دام ابويا هو الدكتور صوباع
و طلعت الصوباع ايه بتاعى بتاع الكوسة يعنى , ايه اللى حيحصل؟
حيقلولى اهلااااااااااااااااااااااااااان ازاى الدكتور صوباع عامل ايه هو سافر و لا لسه
طب و الدكتور صوباع ايه اخر ايحاثه؟ طب على الله مينساناش فى الحلاوة صانية واحدة و جواب التعيين يكون عند حضرتك
طب تخيلوا انى رحت اقدم قى الناشئين فى اى نادى كبير و انا اصلا مبعرفش العب و دورى فى الملعب بيكون انى احرس حاجات العيال اصحابى و طلعتلهم الصوباع برضه حيقولوا ازاى الكابتن صوباع هو بيلعب فين دلوقتى ؟
و الله صوباع ده كان بيلعب عندنا بس هو حته صوباع مرزق راح احترف فى اسمنت الدخيلة يا ريت ييجى يعمل دعاية للنادى
طب بلاش كل الحاجات الكبيرة دى
يا عم رايح ربنا ابتلاك و ادالك موهبة حلوة استغفر الله صوتك حلو او بتعرف تمثل ولا بتعرف تألف قصص
و رحت عاااااااايز تطبع قصة و مش معاك تمنها او تعمل اختبار موهبة و لا ان شاء الله رايح تغلس على المنجين ينفع من غير صوباعك بتاع الكوسة بتاعك ؟
يا عم نفترض انى رايح اجيب رغيفين عيش من فرن بلدى عشان اطفح
عم اسماعين الفران للأسف معرفوش و لو كنت اعرفه كان حيبقى بالنسبة لى صوباع كبير اوى ينفعنى فى الطابور بدل ما اقف ساعتين و اقعد انادى
يا عم اسماعين يا عم اسماعين ب نوص جنيه يا عم اسمعااااااااااااااااااااااااااااااااااااااااااين ب نوص جنيه يا عم اسمااااااعين خمس ترغفة
و بعد كده ييجى واد مفعوص يقول يا عم .... و قبل ما يكمل عم اسماعين يرد عليه و يقولوا ازيك ياض يا ابن الكلب ازاى ابوك و بعد كده يشخط فينا وسعوا يا فندية و يا كباتن وسعى يا ماض مظيل للعيل اعوذ بالله الدنيا مفيهاش خير حيدوسوا وا دصغير عشان يطفحوا خلاص مفيش لا ذمة و لا ضمير
عايز بكام يا خميس ؟
ب 5 جنيه (يعنى 100 رغيف) يا عم سمعة
بس كده يا خميس انت تؤمر ياض يا مفعوص
و يديه عم سمعه ال 100 رغيف بنفس راضية و يقول عد معايا يا خميس 1 و 2 و 3 و................................................................................................
.................................................................................................
.......................................................................... 100هاه يا خميس تمام كده
تمام يا عم سمعه
كوووووووووووووووووووول ده و فيه عشرات البشر واقفين يتمنوا انهم يقربوا لعم اسماعين او حتى الواد خميس
يا بخت خميس
يا جدعان لو اى حد عنده صوباع كوسة زياده انا مستعد اخده ياريت متبخلوش على الضارب بالصوابع انا خلاص بقيت مدمن صوابع و بقيت اهرش لما اقعد يومين ما اشوفش اى حد معاه صوباع كوسة
نفسى فى صوبااااااااااااااااااااااااع

يا بخت الواد اياه يا جدعااااااااااااااااااااااااااااااااااااااااااااااااااااااااااااااااااااااان اللى ابوه يبقى الصوباع الكبير الكبير الكبير اوى اكبر صوباع فى المنطقة عارفينه؟ اللى حيعرفوا يقوللى و انا اديله جايزته

يا بخته
و فجأة و انا بقول كده لواحد جنبى فى الطابور بعد وقوف ساعتين فى عز الشمس لقيت كف عباسى صعيدى مصرى اصيل من اللى انا بحبهم زى النوت اللى فاتت نازل على قفا العبد لله و طرااااااااااااااااااااااااااااااخ

عارفين ده مين
ده جمعة المخبر ابو خميس

ملحوظة : الصورة ليست من تصميم او ملك واحد ضارب

انت بتحبها؟

جروب انا مشترك فيه على الفيس بوك اسمه حلوة يا بلدى
الجروب جميل و بعت سؤال قال بتحب ايه فى مصر؟
تفتكروا سؤال صعب ؟


بحب مصر كلها

بكل متناقاضتها
بحبها مش عارف كده لله فى لله
بحب ابص احس اعرف انى فى مصر
فى أى بلد تانى فى حاجة غريبة
تحس ان فيه حاجة ناقصة
مفيش الروح بتاعتنا
بحب اشوف الناس بتهزر
و بحبهم اشوفهم و هما جواهم هموم قد كده و لسه عندهم آمل
بحب اشوف فرحة ناس جواهم مآسى و هموم و لسه بيفرحوا
بحب اشوف عيل عمره تلات او اربع سنين لمض بيتلامض على ناس فى الاتوبيس و الميكروباص و الترماى طالع عينهم و راجعين من شغلهم الساعة اتنين و رغم كده بيهزروا معاه و يضحكوا معاه
بحب اشوف اصحابى و احنا ماشيين مع بعض فى ليله عيد و مش هاممنا اى حاجة
بحب اشوف واحد جدع بيزعق لواحد بيعاكس
بحب اشوف رجل عجوز بيحكى عن ايام زمان
بحب اشوف ناس بتعرف تقول لأ و مبيهمهاش اللى يحصل لها
و بحب اشوف الهرم و ابو الهول و بحر اسكندرية و و الغيطان
و الصعايدة الرجالة و واهل القناة الجدعان و اهل النوبة اللى رغم الظروف اللى هما فيها لسة متمسكين بمصريتهم و اهل الواحات اللى محدش حاسس بيهم
و البدو الجدعان و الفلاحين
بحب اشوف الفاجومى و يوسف معاطى و زويل و انيس منصور و الدكتور مصطفى السيد و الدكتور مجدى يعقوب و عمر خيرت و محفوظ و زاهى حواس و ناس كتييييييييييييير
بحب احس ان لسه الأمل موجود
بحب ابص فى العلم بتاع بلدى علم و فيه النسر مصر كتييييييييييييييييييييييير
بحب حاجات كتيرة جدا مش حتكفى البوست لوقولتها
بحب اشوف مجموعة ناس ميعرفوش بعض قاعدين يشكو لبعض
بحب اشوف شباب زى الفل فى الجامعات المتدين و الفنان و العبقرى و الضاربين اللى زى العبد لله
بحب اشوف شعب بيعنى لكن رغم كده فيه مستشفى السرطان اللى بناها الشعب بايده و فيه جمعيات خيرية زى رسالة مليانة شباب متطوع زى الفلو دار الاورمان و كتيييييير
بحب اشوف هلال و صليب بجد من غير شعارات كدابة و اللى فى النفوس فى النفوس
بحب اشوف الدستور و المصرى اليوم و مفيش مانع برضه من الجرايد القومية
بحب طبق الكشرى و الفول و الفلافل
بحب اشرب عصير قصب
بحب ساعات لما مايكونش فى جيبى ولا مليم عشان اروح بيتنا و الاقى بالصجفة ربع جنيه مخروم و اعرف فايدته
بحب اشوف مدرس مبيديش دروس و كل العيال فى الفصل قارفينه و رغم كده لسه بيشرح عشان واحد او اتنين
بحب اشوف قاضى بيقول كلمة حق
بحب اشوف ظابط شهم
بحب اشوف ظباط جيشنا حاجة تشرف
سيبكوا من كلام الأغانى و الناس اللى بتغنيه و بعد كده يلحقوا يسافروا عشان ولادهم تاخد الجنسية الأمريكية
او يعملو كام لقاء و يقبضلهم قرشين انا بتكلم عليا و عليك
بحب اشوف حاجات كتيرة يا ترى كل واحد فينا لسه بيحب الحاجات دى ؟
يا ترى لسه جوانا الروح دى؟

و الله انا مبقولش كلام مسلسلات و الذى منه
لكن ده بجد
يا اخوانا طب جرب تعيش بره مصر مش حتعرف
يا جدعان متقولوليش انت بتاع كلام اغانى و م ش حاسس
بس هى دى الحقيقة
و يا ريت تجاوبوا على سؤالى